Madayon kag padayon ang pag panghanda sang Commission on Elections para sa Barangay kag Sangguniang Kabataan Elections.
Ini suno kay COMELEC Chairperson, George Erwin Garcia nga yari karon sa Bacolod para sa apat ka adlaw nga post election assessment.
Sa press conference Lunes sang hapon ginsiling ni Garcia nga may yara man sila sang impormasyon nga nabaton nga may pending nga bill nga naga duso sang pagkambyo sang 3 ka tuig padulong sa apat ka tuig nga pag pungko sang mga barangay officials kag ini ang mangin tubtob lamang sa duha ka term.
Iya ginsiling nga indi nila luyag ma pre-empt ang mangin desisyon sang kongreso, gani padayon lang ang ila nga preparasyon sa BSKE sa December 1, 2025.
Ini bisan pa masiling nga may posibilidad nga indi madayon. Mga 55 percent na sila sa preparasyon.
Sa July 1 to 11 patigayunon ang registration kag padayon ang ila nga information dissemination.
Ginapaabot nila ang pagdugang pa gid sang mga botante. Sa BSKE pwede maka kampanya suno kay Garcia ang mga lokal nga opisyales para sa ila nga kandidato, pero naga paandam siya sa premature campaigning.
Sa October 1 to 7 naka schedule ang filing sang COC kag sa pag file sang COC gina kabig na ang mga nag-file bilang kandidato.
Ginasulit niya man nga likawan ang pag gamit sang mga resources sang gobyerno sa kampanya.
7 am to 3 pm ang botohay sa BSKE pero maga pabilin suno sa iya ang early voting ukon 5am to 7am voting para sa mga PWD, senior citizen kag mga naga busong.
Ang mga bumuloto nga yara sa lugar nga apektado sang bulkan Kanlaon maga boto sa gihapon sa special voting centers.