Pag-gamit sang BANOCEH bilang experimental route sang mga truck posible suguran sa madasun semana.
Sa tuyo nga mapahagan-hagan ang pag gutok sang lakat sang trapiko sa siudad ilabi na sa Circumferential Road igaduso ni Councilor Al Victor Espino ang posible nga pagpatuman sang experimental route agud magamit ang Bacolod Negros Economic Highway ukon BANOCEH para sa mga trucks sa madasun nga semana.
May nagapadayon pa karon nga road and drainage construction project sa Circumferential road sa atubang sang Bacolod City Government Center.
Gani nagapati si Espino nga sarang maghilway ang alagyan kun ma-divert ang mga nagalinabay nga mga truck sa BANOCEH.
Samtang, naduso man session sang konseho ang plano nga pagpasira sang portion sang BANOCEH sa area sang Barangay Felisa tungod sang natalana nga pag-install sang solar power firm sang electrical system sa Marso 1.
Ini ang pagatun-an pa sang Committee on Transportation and Traffic sang konseho.