Duha patay kag duha naman pilason bangud sang pag pang buno.
Dead on arrival sa ospital sanday Richard Orita kag Rolando Pigollo kag pilason ang duha ka anak ni Richard sa natabo nga pag pangbuno sa Purok Florenceville, Brgy. Pahanocoy sa Bacolod Miyerkukes sang gab-i.
Ang nagpamuno amo si Marcelo Rojo, 67-anyos kag isa ka construction worker.
Sa imbestigasyon sang kapulisan, naga inom-inom ang mag-amay upod si Rolando.
Samtang, nagasinadya ang mga biktima, ginsaway sila sang suspek nga kagahod sang ila nga speaker kag naghingyo nga hinayon lang ini.
Apang, ginsulod sang mga biktima ang balay sang suspek, ginbutong ini paguwa kag ginkastigo.
Na impito ang suspek, nagbalik sulod sa iya balay, nagkuha sang bolo kag ginpangbuno ang mga biktima nga nag resulta sa pagkapatay ang duha.
Ang suspek nadakpan man gilayon kag detained sa Police Station 8.