
Patay si James Martinez, 20-anyos matapos nga ginbuno sa Sitio Sumolog Proper, Brgy. Buluangan siudad sang San Carlos sang Miyerkules.
Ang suspek ginkilala sa kay John Kenneth Arniga, 22-anyos.
Suno sa kay Police Major Ryan Villasario spokesperson sang San Carlos City PNP, may nagluntad nga lalisay nga nag resulta sa komosyon sa tunga nanday Martinez kag Arniga kag nagresulta sa pagbuno sang suspek sa biktima.
Nag agum sang madamo nga pilas sa nagkalain-lain nga bahin sang lawas si Martinez nga nagresulta sa iya nga kamatayon kag gilayon man nga naaresto si Arniga paagi sa pursuit operation ang kapulisan.
Nakuha sa suspek ang isa ka patalom nga detained sa kustodiya sang San Carlos City PNP kag pasakaan sang kaso nga murder.