Arestado ang 20 anyos nga si Ronnie Moratas matapos madakpan sa akto sang mga pulis nga yara sa sulod sang BPI sa Rizal Street sa Silay City sang Martes sang kaagahon.
Suno kay Police Lieutenant Robert Petate, hepe sang Silay PNP, ginsulod sang suspek ang bangko paagi sa pag alsa sang glass door gamit ang steel pipe kag sang maka sulod na, nag alarm sa national office sang bangko. Ang gwardiya nga yara sa likod sang bangko sang amo nga oras ang ginpahibalo kag gilayon siya nga naka pangayo sang bulig sa Silay PNP.
Ang cellphone lang nga gina panag-iyahan sang bangko ang nakuha sang suspek.
Ginpasakaan na siya sang kaso nga robbery.