Halos indi na gid makilal-an ang bangkay sang isa ka lalaki nga nasapwan kahapon sa Bangga Rolly, Crossing Magallon sa banwa sang Moises Padilla.
Bangud nagakaagnas na ang bangkay kag wala sang may nakakilala sa iya, ginpakamaayo sang Moises Padilla Disaster Risk Reduction and Management Office nga ipalubong na lamang ang bangkay sa public cemetery sang banwa.
Wala sang panapton ang bangkay, nagahapa kag halos nagagwa na ang tul-an sa iya nawong sang ini ang makit-an nga natabunan sang mga ruruk.
May kabudlayan ang mga rescuers sa pag-estimate sa edad sang bangkay.
Sa may mga missing nga himata nga lalaki kag luyag makit-an ang mga litrato sang lalaki magpakig-angut lang sa Moises Padilla PNP.*