Nasapwan ang isa ka barangay tanod nga may igo sang bala sa iya lawas kag wala na sang kabuhi malapit sa kampo nga sakop sang Purok Dahlia, Barangay Puey sa siudad sang Sagay.
Base sa report sang kapulisan, mga las 2 sang kaagahon sang Lunes, nabatian sang isa ka residente sa lugar ang tatlo ka asud-asud nga lupok.
Ginpakamaayo sang residente nga i-report ini sa ila kapitan.
Nagpadulong sa lugar ang kapitan upod ang pila ka mga barangay tanod kag ila nadiskubrehan sa alagyan sang kampo, ang nagahigda nga lawas sang biktima.
May nakita nga mga gunshot wounds sa iya lawas.
Narekober sa crime scene ang isa ka basiyo sang wala pa matumod nga kalibre sang pusil.