Nakilala na ang bangkay sang lalaki nga nasapwan nga naka baklid kag may tabon nga tela sa ulo sang Sabado, sa Purok Cobra, Barangay Igmaya-an, Don Salvador Benedicto.
Suno Police Lieutenant Ignacio Javier, Deputy Chief sang Don Salvador Benedicto nga ang nasapwan ginkilala nga si Allen Palmos , 29-anyos sang Fortune Towne, Brgy Estefania, Bacolod City.
Suno sa pulis, positibo nga ginkilala ang biktima sang iya magulang pinaagi sa iya nga tattoo. Nakita sini sa mga report nga may nasapwan nga bangkay sa amo lugar kag pareho ang tattoo sa iya manghud sa likod nga ‘CMDR JOKJOK BALDOMAR’.
Huwebes sang nagligad nga semana sang naghalin si Allen sa ila puy-an kag wala na ini nakabalik.
Base sa inisyal nga imbestigasyon sang kapulisan nga ginbilin lamang ang bangkay sa amo nga lugar.
Nakaagi na bilanggo sadto ang biktima sa kaso angut sa iligal nga droga.