Nasapwan kahapon sa katubuhan sa Barangay Alianza sa siyudad sang Bago, ang bangkay sang 42 anyos nga si Bobby Custodio nga gin report nga missing sang iya pamilya. Suno sa PNP, Miyerkules sang gab-i ulihi nga nakita si Custodio nga nag bisita sa gina ubrahan sang iya nga anak nga gina alegar gina lagas sang iya nga mga upod sa trabaho nga may kainit sa iya.
Ginlagas man suno sang pulis sang mga ka trabaho sang iya anak ang amay kag didto na ginlabo-labo.
Sang Sabado gin report nga missing sang pamilya ni Custodio ang biktima kag nagaka agnas na ang iya sini bangkay sang makita kahapon.
Nakilala naman ang mga suspek kag sila ang pasakaan sang kaso sang pamilya.