Sa baybayon sakop sang Guiwanon Bantayan Islands, Cebu Province nasapwan ang bangkay sang missing nga mangingisda nga si Leodigario Brosas sang kahapon.
Una siya nga gin-report nga missing sang iya pamilya matapos gina alegar nahulog samtang nagakatulog sa fishing boat.
Suno kay Philippine Coast Guard- Negros Occidental Commander Jansen Benjamin, wala madeparahan sang iya kaupdanan nga nahulog ang biktima kay pati sila natulogan man. Nakibot na lang sila sang wala na siya sa iya hiligdaan.
Sa baybayon siya sang Baliguian Island, Concepcion kag siudad sang Cadiz natalupangdan nga nahulog siya.
Nakabaton sang tawag ang Victorias City Coast Guard sub-station giakn sa Coast Guard sub-station sang Cadiz nga may nakita nga bangkay sa Bantayan Islands, Cebu Province.
Isa ka mangingisda ang nakakita sang bangkay kag ginturn-over ini sa MDRRMO sang Bantayan.