Nasapwan sang caretaker sang St Joseph Public Cemetery sa siyudad sang Victorias ang bangkay sang isa ka lapsag nga nasulod sa karton sang Martes.
Antes sini, suno kay Lt Col Joseph Fajardo, hepe sang Victorias PNP, nga gin pahayag sang caretaker nga iya nakita ang tatlo ka persona nga nagakutkot sa likod nga bahin sang patyo kag ila ginbilin ang karton nga natukiban lapsag ang unod.
Nag padulong naman suno kay Fajardo ang iloy sang biktima kag iya ginsiling nga napatay sa ospital ang iya nga lapsag kag bangud wala sila sang ikasarang, ila na lang ini ginlubong sa likod sang sementeryo.
Ang PNP ang nagbulig naman sa pag palubong sa lapsag sa sulod sang patyo.