Kahapon nagpalapit sa PNP ang pamilya sang lalaki nga nasapwan patay sa may Helvetia Heights sa Barangay Villamonte sa Bacolod sadtong Miyekules sang aga.
Suno sa kay Police Major Marc Joel Reclamado ang Station Commander sang Bacolod City Police Station 4, ginkilala sang iya nga tiya ang biktima kag nagaguwa sa ila nga imbestigasyon nga nakaagi na sadto dakop ang biktima nga ginkilala kay Jeremi Gavile bangud kaso nga pagpangawat sang 2024.
May mga pilas tuga sang paglabo ang biktima nga ginhalinan sang iya kamatayon.
Isa ka manug scrap ang naka sapo sang iya nga bangkay sa may compound sang nagsirado nga restobar.
