Patay si alyas “JR” matapos gintiro sa Purok Sto Niño, Barangay 2 siudad sang Bacolod, kaina sang kaagahon.
Suno kay Police Major Eugene Tolentino, hepe sang Police Station 2, ang biktima ang gintiro sa Prk Sto. Niño pero nakadalagan pa pakadto sa Purok Sigay kag didto na natumba.
Suno sa pulis, base sa panaysayon sang mga residente may nabatian sila nga isa ka lupok sang pusil kag nakita na lang nga may igo sang bala sa dughan ang biktima.
Ginhingagaw pa dala si JR sa ospital apang gindeklarar nga dead on arrival.
May narecover pa ang doctor sa bulsa sang biktima sang isa ka sachet sang ginapatihan shabu.
Ginalantaw sang kapulisan nga may kaangtanan sa iligal nga droga ang rason sa pagpatay sa biktima.
Wala pa makilala ang biktima nga gina siling pangayaw lang sa lugar.