Nakit-an na sa Bago River sa bahin sang Barangay San Miguel, banwa sang Murcia ang isa ka lalaki nga una ginreport nalumos kag nadula sang Domingo nga adlaw samtang naga paligo sa suba.
Sa pictures nga kuha sang Mountain Tigers Rescue- Bacolod makita nga adlaw kag gab-i ang pangit-anay sa bangkay.
Ginkilala ang biktima nga si Ryan Nacion, 25 anyos kag residente sang Cabugwason, Barangay Mansilingan siudad sang Bacolod.
Sa imbestigasyon sang Murcia PNP, ang napatay kag ang iya mga abyan ang nagpaligo sa twin river sa amo man nga banwa, apang naanod bangud sa mabaskog nga daludo sang tubig.
Gilayon nga nagpatigayon sang search and rescue operation ang katapo sang DRRMO sang nagkalain lain nga mga LGU kag volunteer groups tubtob nga nakit-an ang bangkay sang biktima.