Tuesday, November 17

Bangkay sang lalaki nasapwan sa dagat sa Hinoba-an

Nakit-an sang nagapamanâ sang isda ang bangkay sang isa ka lalaki sa dagat, mga pito ka metros ang kadalumon kag mga 70 metros ang kalayuon halin sa higad sang baybay sa Barangay Culipapa, banwa sang Hinoba-an, Negros Occidental, Lunes sang gab-i.

Ginkilala ang bangkay kay alyas “Erning,” 34-anyos, residente sang Brgy. Culipapa.

Nangayo sang bulig sa barangay ang mangingisda kag ila ginbuligan pahigad ang bangkay sa kilid sang baybay.

Base sa inisyal nga imbestigasyon, ulihi nga nakit-an si alyas “Erning” sa isa ka haya sa Purok 1, Barangay Culipapa, mga las otso sang gab-i sadtong Lunes.

Ginpaidalom ang bangkay sang biktima sa medico legal examination para mahibaluan ang gintunaan sang iya kamatayon.

[sibwp_form id=1]
Secured By miniOrangeSecured By miniOrange