Nasapwan ang naga ka agnas nga bangkay ang isa ka babaye sa likod sang motorpool sang banwa sang Hinoba-an sini nga Miyerkule sang hapon.
Ang babaye ang naka itom nga shorts kag itom nga t-shirt.
Halos indi na makilala ang iya nga hitsura sang masapwan.
Pila ka minutos ang nagligad gin kumpirma sang hepe sang Hinoba-an PNP nga si Police Major Jaynick Bermudez nga ang nasapwan nga bangkay amo ang bangkay ni Thalia Evangelista.
24 anyos nga missing humalin pa sang nagligad nga inadlaw.
Base sa post sang himata ni Thalia, tatlo ka adlaw na ini siya nga missing.
Wala na siya makapauli matapos mamiesta.
Gina usisa pa sang PNP ang pamilya sang biktima para mahibaluan kun sino ang ulihi niya nga kaupod.
Gina hulat pa sang PNP ang resulta sang post mortem examination sa bangkay.
Nagapadayon ang pagpangusisa sang PNP sa sini nga kaso.