May duha ka mga bangkay ang nasapwan sa banwa sang Moises Padilla subong nga Miyerkules.
Isa ka babaye ang bangkay nga nakit-an sa Hacienda San Benito, Brgy. Crossing Magallon.
Sa post ni Negros Occidental 5th District Congressman Dino Yulo, ang nakit-an nga babaye ang nakasuksok sang green nga t-shirt kag ginabulubanta 40 anyos ang edad.
Yara ini karon sa Funeraria sa Moises Padilla.
Samtang, sini gid lang nga hapon, base sa inisyal pa lamang nga impormasyon, isa naman ka bangkay ang nakit-an sa San Remejo, Moises Padilla.
Sa pihak nga bahin, isa ka lawas sang bata nga lalaki ang nasapwan sa banwa sang Sibunag, Guimaras.
Ginabulubanta ang bata nga naga-edad 3 tubtob 7 ka tuig, kalbo kag nakasuksok sang Camouflage shirt.*