Naga utaw-utaw sa suba sang Barangay 2 ang bangkay sang isa ka babayi sang masapwan sa may banwa sang Ilog kaina, Martes, sang aga.
Naga suksok sang green sweat shirt ang biktima.
May kadena siya sa tiil kag may kandado.
Sa inisyal nga report gikan sa Ilog PNP, pila ka oras ang nagligad nag-abot si Raphy Gallego kag iya nakumpirma nga iya nga manghod ang nasapwan.
Ang biktima ang taga Brgy. Bantayan, Kabankalan City.
Suno kay Gallego, Domingo nga adlaw sang ulihi nila nakit-an ang iya manghod, sa plaza sang Kabankalan.
Suno sa iya may diperensya sa paminsaron ini gani gina kadenahan nila bangud naga lagaw ini kag basi may malain nga matabo sa iya.