Matapos sang duha ka adlaw nga search and retrieval operation sang rescue team sang Negros Oriental kag Sibulan, tigayon na nga na recover sang Biyernes ang bangkay sang 14 anyos nga si Rhian Taguiam nga nalumos sa kilala nga Lake Balinsasayao sa Sibulan, Negros Oriental.
Suno sa Negros Oriental DRRMO, nalumos si Taguiam sang Miyerkules matapos mag capsize ang iya sini nga kayak sa tunga sang lake.
Ang iya upod sa pag kayak ang tigayon naman nga naluwas.
Biyernes sang hapon nakita ang bangkay sang biktima. Wala ini nag lutaw kag ini ang na detect pinaagi sa sonar.
17 metros sa dalom sang tubig sa tunga sang lake suno sa drrmo na recover ang bangkay ni Taguiam.