Nasapwan na lang ang mga tul-an sang isa ka tawo sa sulod sang katubuhan sa Barangay Lopez Jaena sa Sagay City sang kahapon, Lunes nga adlaw.
Isa ka pamilya ang nagkilala sang bangkay nga ila nga himata nga na-missing humalin pa sang December 2024. Ini pinaagi sang mga na-recover nga mga pagkabutang malapit sa bangkay.
Nagapati ang pamilya mga tul-an ini sang ila nga himata nga si Archeir Ponce sang Sitio Punod, Barangay Prosperidad sa San Carlos City.
Ginahibalo pa sang PNP kun paano nakalab-ot sa Sagay ang iya nga bangkay kag kun paano siya napatay.