Shadow

Bangkay nga nasapwan sa Don Salvador Benedicto nakilal-an na

Nakilal-an na ang lalaki nga nasapwan patay kahapon sa kilid sang dalan sa Barangay Pandanon sa Don Salvador Benedicto.

Ang iloy sang biktima amo mismo ang nag padulong sa police station matapos makita ang litrato sang anak.

Ang biktima amo si Rogelio Atender Jr, 24 anyos.

Suno kay Captain Eugene Tolentino, hepe sang DSB PNP, ila pa sa gihapon gina hibalo kun ano ang motibo sa pag patay kay atender bangud sa bag-o pa man lang ini nga naga istar sa banwa ang biktima nga taga Moises Padilla.

Ang biktima ang nasapwan kahapon nga nakahigot ang liog nga amo posible gin tunaan sang iya kamatayon bangud sa wala man sang iban pa nga pilas nga nakita suno sa pulis.

Ila man ginahulat ang resulta sang medical examination sa bangkay sang biktima.

Leave a Reply

Your email address will not be published. Required fields are marked *

Secured By miniOrangeSecured By miniOrange