Isa ka nagakaagnas na nga bangkay sang lalaki ang nasapwan sa higad sang suba sa Purok Roadside, Barangay Lag-asan sa Bago City, Lunes nga adlaw.
Manug-pamunit kuntani ang isa ka residente sang nakit-an niya nga may nagakulob nga lawas sang tawo sa mga ruruk sa higad sang suba.
Nakasuksok ang biktima sang itom nga t-shirt, itom nga shorts kag may silver nga polseras sa iya natu-o nga kamot.
Ginabulubanta naga-edad 30 anyos pasaka ang biktima.
Gin-retrieve ang bangkay kag gindala sa Lagunday Funeral Homes para sa post-mortem examination.
Nagapanawagan ang otoridad sa kun sin-o ang may himata nga nadula nga magpakig-angut sa pinakamalapit nga police station.*