Nakit-an ang isa ka bangkay sang lalaki nga naga-utaw-utaw sa seawall sang BREDCO port, sakup sang Purok Cambodia, Barangay 2 sa Bacolod City, sang Martes.
May suksok nga delargo ang lalaki kag wala ini sang pang ibabaw nga panapton.
Gin-retrieve sang katapo sang Philippine Coast Guard ang bangkay.
Isa ka empleyado sang Harry Works nga yara BREDCO port ang nakasapo sa bangkay.
Nakit-an sang mga nagresponde nga team gikan sa Bacolod City Disaster Risk Reduction and Management Office team nga may yara sang head injury ang biktima.
Gindala ang bangkay sa ABE Funeral Homes sa Purok Lampirong, Barangay 2.
Sini nga udto, may pamilya nga nagkadto sa Police Station 2 apang wala pa sang kumpirmasyon kun ila man gid bala himata ang nasapwan.*