Bangkay na sang masapwan sa baybayon nga sakop sang Brgy 2, banwa sang Hinigaran si Arnold Billojan las 7 kaina sang aga.
Si Hancel Tadeo sakay sa iya nga pumpboat amo ang nakasapo sa bangkay ni Billojan kag iya ini gilayon nga nagreport sa otoridad.
Positibo nga ginkilala sang iya mga himata ang biktima nga nasapwan kag sang Hulyo 25 pa nadula.
Suno sa PNP yara sa higad sang suba ang balay ni Billojan kag masami nga naga istambay in isa pangpang.
Suno kay Capt Leonel Adolacion ang Deputy sang Hinigaran PNP, mahimo nga nadanlog kag nahulog sa suba si Billojan.
Kaina sang aga nasapwan man ang isa ka bangkay sa suba sa Barangay Canlandog sa banwa sang Murcia.
Ginkilala ang biktima nga si Richard Espinosa, 19 anyos sang Purok Monarch sang amo man nga lugar.
Nakit-an ang iya sini nga bangkay nga nasampay sa suba.
Gina usisa pa sa karon sang PNP kun ano ang natabo sa biktima.