Patay ang 60 anyos nga mangunguma nga si Daniel Siares matapos gintiro las 9 sang kagab-i, Agosto 20 sa Sitio Cambugsok, Brgy. Poblacion, banwa sang Cauayan.
Suno kay Police Lt. Colonel Gary Resuma, hepe sang Cauayan PNP, kaupod sang biktima ang iya misis nga si Leticia kag ini ang na igo sang bala sa paa.
Ang suspetsado ginkilala kay Alias “Ebib” kag isa ka wala pa makilala nga persona.
Suno sa PNP, nagapungko ang mga biktima kaupod ang ila pamilya sa guwa sang ila balay, hinali na lang nag-abot ang duha ka mga suspek kag gintiro ang mga biktima.
Nag-angkon sang igo sang bala sa nagkalain-lain nga parte sang lawas ang padre de pamilya nga gilayon gindala sa Cauayan District Hospital apang gindeklarar nga dead on arrival. Yara na sa estable nga kondisyon ang iya misis.
Nadakpan na kaina si “alyas Ibid” sa Barangay Tiling.
Suno pa kay Resuma, ila gina lantaw nga may kaangtanan man sa isa ka shooting incident sang 2019 ang natabo nga pagpaniro.
Pasakaan sang kaso nga murder kag frustrared murder ang mga suspek.