Padayon ang pagsaka sang Covid–19 cases sang Negros Occidental. Maka alarma suno kay negros Occidental Governor Eugenio Jose Lacson kun wala sang may ginahimo para diri.
Ginasulit sang gobernador ang importansya sang pagsunod sang minimum health protocols kasubong sang pag gamit sang mask, physical distancing kag handwashing. Ipaiway man suno sa iya ang mga pagtililipon.
Yara karon sa 1,284 ang active cases sang Negros Occidental sa report sang Provincial Incident Management Team as of September 7. Sa monitoring sang probinsya suno kay Lacson, naga dangat na sa 3 digit ang bag-o nga mga kaso sa matag-adlaw.
Sa datus kahapon, okupado na ang Covid-19 designated beds sang Valladolid District Hospital kag 80 percent naman ang occupancy sa Covid-19 designated hospital sa Cadiz. Naga laum ang gobernador nga kuntani indi na magdangat pa sa masobra sadto anay dos mil ang active cases sang Negros Occidental.
“We should be alarmed if we don’t’ do anything about it. Meaning to say if we don’t do our share. Instructions really still the same. Lain-lain man nga lgus ang naga pakita sang increase. So there’s no one specific. Na spread out siya. Sometimes we find one lgu at the top, in other days wala man, ato naman siya sa dalom. It’s spread all over the province,” suno kay Lacson.