Shadow

Balik bakuna na sa SM City Bacolod kag Ayala Malls Capitol Central

Nag dugang sang mga personnel kag vaccinators ang Emergency Operations Center sa pagbalik sang vaccination center sa gwa sang SMC Convention Center kaina sang aga.

Suno kay Em Ang, executive director sang EOC, nagpatuman sila sang reshuffling sa mga medical personnel agud man mag-tayuyon ang vaccination program sa mga ginhimu nga vaccination sites sa mga mall pati na sa mga kabarangayan sa siudad.

Nagligad lang nga semana sang temporaryo nga gin untat ang vaccination program sa cinema area sang SM City Mall sang pito sa mga personnel, nalakip diri mga vaccinators ang nagpositibo sa Covid-19.

Temporaryo man nga ginsirad ad ang vaccination center sa Ayala Mall Capitol Central sang siyam man ka mga personnel ang nalatnan sang virus.

Sa Enero 30 maga resume ang vaccination program sa Ayala Mall.

Secured By miniOrangeSecured By miniOrange