Nag amat-amat na baligya sang mga palupok ang mga vendors sa likod sang Pope John Paul II Tower sa reclamation area.
Pero may pila gihapon ka mga stalls ang bakante.
Ginsiling ni Annelyn Banias, malaka pa ang baligyaanay bangud sang tig-ululan gani madamo sa ila ang ginpaiway anay ang pagbaligya sa gintalana nga baligyaan sang palupok sa Bacolod.
Dugang ni Louie Latergo, Vice President sang Bacolod Firecracker Association, na-delay pati ang mga permit sang mga vendors tuga sang malain nga panahon gani ulihi man sila nga makabaligya para sa natalana nga pagsaulog sang adlaw sang Paskwa kag pagsug-alaw sang bag-ong tuig.
Ginapasiguro naman sang Bureau of Fire Protection nga nasunod ang mga guidelines sa lugar agud malikawan ang sunog.
Padayon man ang ila kampanya upod sa nagkalain-lain nga government agency agud mapahagan-hagan ang kadamuon sang firecracker related injuries.