Baligyaanay sang baboy sa Barangay Sagasa sa Bago City mismo sa barangay lamang ginapahanugutan. Ini kabahin sang tikang nga gina patuman kasunod sang pagkapatay sang pila ka mga baboy sa barangay.
Suno kay Punong Barangay Rosalinda Isuga, may 102 ka mga baboy nga na record napatay sa barangay.
Ang mga baboy sa ila nga lugar ang ma konsumo lamang sa ila nga lugar kag indi na sila maka pa gwa pa sang baboy.
Indi man sila maka pasulod pa sang baboy suno kay Isuga.
Kun may ihaw nga gina patigayon, dapat may tiglawas gikan sa City Veterinary Office para man mapasiguro nga ang baboy safe kag fit for consumption.
Sandig sa resulta sang sampling suno kay Isuga nagapabilin nga ASF free ang ila nga barangay kag hog cholera ang ginkamatay sang mga baboy.
Samtang nagdagdag naman sa 220 pesos ang kada kilo sang baboy sa merkado sang Bago.
Suno sa mga manugbaligya sadto 300 pesos ang kada kilo antes pa man ang ginreport pagkalamatay sang mga baboy.