Totally damaged ang duha ka panalgan nga balay sa Purok Maanyag, Barangay Alijis sa Bacolod City matapos ini masunog kaina sang aga.
Ginahibalo pa sang BFP kun ano ang gin tunaan sang kalayo pero base sa ila pag pangusisa, kapin 100 mil pesos ang halit nga gin tuga sang sunog.
Ang naga renta sang balay ang naga supply man sang LPG gani kabahin man ini sa mga nasunog kaina.
May mga saksi nga naka bati sang nilupok sa lugar sang natabo ang sunog pero wala man sang may nasamaran sa sunog suno sa BFP.