Gintiro sang makapila ka beses ang balay ni Tanjay City Councilor Atty Reynil Cataal Arcide sang wala pa makilala nga persona pasado las dose kaina sang kaagahon sa Sitio Tambacan, Brgy 4.
Sa inisyal nga imbestigasyon, isa ka persona nga sakay sa motorsiklo ang nag palupok sang wala pa matumod nga pusil sa gwa sang balay sang konsehal.
May igo sang bala ang main entrance gate kag ang windshield sang pick up sang konsehal sa garahe sang ila nga balay.
Gilayon nga nagpalagyo ang suspek.
Anum ka mga basiyo sang gina patihan 45 caliber pistol ang na recover sa crime scene.
Padayon pa ang imbestigasyon sang Tanjay PNP kun sin-o ang nagpalupok sang pusil kag kun ano ang iya nga motibo.