Duha ka separado nga balay sang barangay kagawad sa barangay 1 sa hinigaran ang ginsulod kagabi sang mga armado nga persona kag gin kawatan.
Suno kay Captain Ryan Villasario, gin sulod sang mga armado ang balay nanday Kagawad Marciano Dizon kag Jose Froilan kag ila gin pangita suno sa pulis ang election money nga ila ginsiling ara sa mga kagawad.
Sang wala may mahatag, ila na lang gin kuha suno sa pulis ang mga cellphone sang mga kagawad kag nagpalagyo.
Suno kay Villasario, indi pa nila matumod kun ang grupo ang kabahin sang New People’s Army ukon political or criminal group.
May posibilidad man suno sa iya nga politically motivated ang natabo nga pag panulod sa mga kagawad. Naga padayon pa ang imbestigasyon sang PNP.