Makita ang itom kag madamol nga aso gikan sa nagakasunog nga balaligyaan sa Purok Jasmine, Barangay Balintawak sa Escalante City, Martes nga adlaw.
Halos tanan nga mga baligya ang nasunog sa sulod sang store nga ginapanag-iyahan ni Jonathan Monderahi.
Suno sa tag-iya, nakabaton ini sang report nga may nagakasunog nga baligyaan apang wala ini naghuna-huna nga iya gali nga store ang nasunog.
Padayon pa ang imbestigasyon sang Escalante City Fire Station sa gintunaan sang kalayo.
Wala naman sang may nasamaran sa insidente.