Ginapatigayon na sa karon sa probinsya ang second dose sang booster shot para sa mga immuno compromised, pero bisan pa ang first dose sang booster shot, suno sa PHO may manubo nga turn-out.
Suno kay Dr Ernell Tumimbang, indi man lubos nga maduso ang second dose sang booster shot kun wala pa anay nag pa first dose.
Masobra sa 71 percent sa target sa Negros Occidental sa karon ang nabakunahan kontra Covid, pero sa gihapon mahinay ang pag idog. Ang election season nag apekto pa gid sini suno kay Tumimbang.
Na extend man sang Food and Drugs Administration ang expiry sang pila sa mga manug expire nga bakuna sini nga Abril, padayon ang pag-abot sang bakun sa probinsya suno kay Tumimbang.
Magluwas sa na extend nga shelf life, ginsiling man sang Covax nga paga ilisan nila ang bakuna nga nag expire na.