Presyo sang baligyaanay sang humay sa karon ang nagsaka.
Suno kay Pedro Limpangog ang presidente sang FIACN BRIS ukon ang Federation of Irrigators Association Central Negros Bago River Irrigation System, 24 tubtob 25 pesos ang kilo sang lagtong nga humay sa karon.
May yara pa man sang tig 23 pesos kada kilo nga baligyaanay.
Kun ipaanggid sa nagligad nga binulan, paborable sa mga mangunguma ang presyohanay karon bangud nagsaka ini gikan sa sadto anay P17 tubtob P20 kada kilo.
Patapos na ang ani sa southern district suno kay Limpangog. Pero sa sitwasyon sa karon nabalaka man sila sa epekto sang pagtimbook sang presyo sang gatong karon sa ila nga pag panguma.
Ang abono nga sadto 1,400 tubtob 1,500 ang baligyaanay subong masobra na sa P2,000.
Ang transportation cost nila nag saka naman.
Samtang, may pagsaka man sa bili sang bugas sa merkado. Ang sadto anay wholesale price nga P1,900 sa kada sako karon 2,300 tubtob 2,350 na.
“Apektado man kami kay ang mga farm inputs labi na gid ang abono, nagmahal man. Kadako sang ginsaka sa abono. Ang urea sang nagligad nga binulan ara na sa P1500, P1400 subong sobra duha ka libo na. Ang pagkabalo ko may gin balita gid man nga assistance ang Department of Agriculture, pero wala pa ka tupa sa amon”, suno kay Limpangog.*
[sibwp_form id=1]