14 lang sa 27 ka mga tenants ang tugutan sang Bacolod LGU nga tagaan sang pwesto sa temporaryo nga Manokan nga gin-construct sang SM Primeholdings incorporated sa parking area sang mall.
Suno kay City Legal Officer Atty. Romeo Carlos Ting, Jr., nga plano sang siudad upod sa pamunuan sang SMPHI nga itugyan sa iban nga interesado ang mabakante nga pwesto.
Ini kun indi man luyag sang pila ka mga qualified tenants ang magsaylo sa malapit na matapos nga pasilidad.
Sa sini nga Hunyo ginapaabot ang pagbalhin sang mga tenants sang Manokan Country agud nga masuguran sang SMPHI ang development project sa reclamation area.
Pila sa mga tenants ang nagpabutyag kay Mayor Albee Benitez nga indi sila magbalhin sa temporary nga Manokan bangud tuman ini ka gamay para sa ila.
Amo nga ginaplano sang alkalde ang pagpangita sang dugang nga lugar para sa ila.
Libre nga arkila ang ginatanyag sang SM sa ila sa sulod sang 18 ka bulan.