Ang Bais City sa Negros Oriental ang pinaka ulihi nga local government unit sa Negros Oriental nga ma deklara bilang African Swine Fever free.
Ini suno sa Provincial Veterinary Office sang Negros Oriental nga nagsiling man nga sa karon yara na sa pink zone category ang Bais.
Suno kay Jaymer Vilos, ang spokesperson sang PVO, nabaton sang Bais City ang recognition of active surveillance para sa ASF gikan sa national office sang Bureau of Animal Industry sang nagligad nga semana.
Valid ini sa sulod sang tatlo ka bulan. Pagkatapos sini suno sa iya maga submit liwat sang surveillance report ang Bais City para sa ASF-free declaration renewal.
Kun ang LGU ang ma deklara nga ASF-free, sarang na ini maka transport sang baboy sagwa sang local borders sini kag sagwa sang probinsya basta maka comply sa mga requirements sang BAI.
Sa 17 ka LGUs sa Negros Oriental nga na igo sang ASF lima ang na upgrade gikan sa red zone padulong sa pink zone kag na declare ASF-free.
Damlag pa na declare na ang Vallehermoso, Ayungon, Manjuyod kag Valencia nga ASF free.