Sa litrato sang mga drone shots sang Provincial Information Office sang Cagayan Province, makita nga halos atop na lang sang mga balay ang kitaon sa Centro 10 sa Tuguegarao City bangud sang pag awas sang tubig gikan sa Cagayan River tuga sang bagyo Nika nga nagwa na sa PAR.
Sa pag gwa ni Nika naka sulod na naman sa Philippine Area of Responsibility ang bagyo nga Ofel kaina sang kaagahon.
Naga amat-amat ini baskog samtang naga palapit sa Pilipinas.
May kabaskugon ini nga 85km/h kag pag madlos nga 105km/h.
Ginapaabot nga maga landfall si Ofel sa Northern kag Central Luzon sa Huwebes sang hapon ukon gab-i.
Indi pa subong matumod kun ano gid nga mga lugar ang iguon sang bagyo.