Ang bagyo nga may international name nga Podul ang sa karon ginhingadlan na nga Bagyo Gorio matapos makasulod na sa Philippine Area of Responsibility sang Domingo, kkagab-i.
As of 2pm ang Bagyo nga Gorio ang yara na sa 1,065 East sang Extreme Northern Luzon. May kabaskugon ini nga 110km/hr.
Padayon ini nga naga giho pasaka pakadto sa direksyon sang Taiwan.
Suno sa PAGASA, ginapaabot nga pinakamalapit ini sa kadutaan sang Pilipinas sa Miyerklues sang aga kag maga gwa na sa PAR sa Miyerklues sang gab-i.
Paathag sang PAGASA wala sang direkta nga epekto si Gorio sa Pilipinas bangud sang kalayuon sini. Indi man ini makapabaskog sang Habagat.
Mangin magal-umon ang kalangitan kag posible ang pagbubo sang ulan. Kun may pag-ulan gid man ini ang dala lamang sang localized thunderstorms gani maga lawig lang ini sang 30 minutos tubob isa ka oras.