Malayo pa sa kadutaan ang Bagyo nga Nando kag yara pa ini sa east sang Central Luzon.
Pero suno sa PAGASA posible nga sumugod bwas mabatyagan na ang ulan dala sini ilabi na sa eastern portion sang Visayas kag Luzon.
Bwas posible man may mga lugar na nga ipaidalom sa Tropical Cyclone Wind Signal.
Sa Domingo mabunok na ang ulan nga gina paabot kay higupon man sang bagyo ang hangin Habagat kag tubtob Martes magapadayon ang mabunok nga ulan.
Lunes sang gab-i tubtob Martes sang kaagahon posible ang landfall ni Nando sa Babuyan Islands pero gina pa alerto man ang mga probinsya sa Northern Luzon kay possible nga malapad nga area ang ma apektohan sang bagyo ilabi na nga may dako nga posibiliad nga mangin isa ini ka super typhoon na nga category sa Lunes.
May gina paabot pa gid nga mag-develop nga LPA sa gwa sang PAR sa masunod nga anum ka adlaw gani balantayan ang lakat sang panahon.