As of 4pm, ang Bagyo nga Basyang ang yara na sa 655 km east sang Hinatuan, Surigao del Sur.
May kabaskugon ini nga 55 tubtob 70 kph. Padayon ini nga naga giho pa southwestward nga direction.
Ginpaabot nga subong nga adlaw posible nga mangin isa na ka tropical storm ang bagyo gani mas madamo nga mga lugar ang ipaidalom sa wind signal samtang naga palapit si Basyang sa Mindanao.
Signal no 2 ang ginapaabot nga pinakamataas nga wind warning.
Sa eastern Mindanao gina forecast ang posible nga landfall sang bagyo sa Huwebes sang gab-i ukon Biyernes sang kaagahon.
Ginalantaw man nga matapos tabukon ang northeastern Mindanao kag Central kag Western Visayas magahinay ang bagyo. Domingo ginapaabot nga maga gwa na sa West Philippine Sea ang bagyo.
Tandaan nga mas mangin maulanon sang sa mahangin ang bagyo. Indi amo sina kabaskog ang hangin nga dala sini pero bitbit naman sini ang mabunok nga ulan.
Buwas sa udto tubtob Biyernes ang Negros Oriental kabahin sa mga lugar nga ipaidalom sa yellow rainfall warning. Buot silingon, 50-100mm sang ulan ang posible maka apekto sa Negros.
Sa amo sini kadamol nga ulan may posibiliad sang pagbaha sa mga lugar nga masami na nga daan gina baha kag sa mga nanubuan nga mga lugar.
Paandam sang PAGASA palaabuton ang pagbinaha kag landslide gani dapat nga handaan ang pag abot sang bagyo.
Pwede pa maglain ang rota sang bagyo gani padayon nga mag monitor sa lakat sang panahon.*
[sibwp_form id=1]