Nag-file para sa iya kandidatura sa pagka board member sa 4th District sa idalom sang National Unity Party si Bago Mayor Nicholas Yulo.
Matapos ang 20 ka tuig nga nangin katapo sang Nationalist People’s Coalition, nag-resign si Yulo gikan sa partido kaupod si Vice Mayor Ramon Torres nga 33 ka tuig naman nga nangin miembro sang NPC.
Paathag ni Yulo nga katapo man sang local party nga United Negros Alliance, antes pa man gin-endorso sang NPC si Engr Lea Delfinado nga maaga papili kongresista sa 4th District, may commitment na sila kay Vice Governor Jeffrey Ferrer nga maga papili Congressman sa 4th District.
Si Ferrer kag Yulo pareho nga katapo sang UNegA kun sa diin si Ferrer ang naga serbe nga presidente.
Suno kay Yulo, nakonsulta man sila sang NPC bahin diri. Bangud sang pag endorso sang NPC kay Delfinado mabutang sila sa alang-alang suno sa iya.
“Kabalo naman kita tanan nga si vice gov madalagan congressman, before nila gin nominate ang kasumpong ni vice may agreement na ko ya. Indi lang sa subong kundi sa nagliligad pa nga election, so malaw-ay sa amon part”, suno kay Yulo.