Gin-release sa baybayon sang Poblacion Beach sa Sipalay City ang 45 tanan ka mga bag-ong buto nga mga pawikan.
Suno sa Bantay Dagat Coordinator sang siudad nga si Edsel Toledo, ang pugad ang nakit-an sadtong katapusan sang bulan sang Nobyembre 2022 kag gin pabantayan.
Masami mga sisenta dias ang kalawigon antes nga magwa ang mga buto gikan sa mga itlog.
Ang ini nga pugad ang isa lamang sa tatlo ka mga pugad nga gina bantayan sang Bantay Dagat sang siudad.
Olive Ridley Sea Turtle ang mga buto nga ginpang buy-an sa dagat.