Nanumpa na kaina ang mga bag-o nga opisyales sang Negros Association of Chief Executives nga maga pungko humalin karon nga 2025 tubtob 2028.
Kay Negros Occidental Governor Eugenio Jose Lacson sila nagpanumpa.
Ginsiling ni Cadiz City Mayor Salvador Escalante, Jr nga karon naga pungko bilang presidente ila nga gina baton kag gina suportahan ang panawagan sang gobernador nga mag solarize.
Ini ang isa sa mga tikang karon sang probinsya nga gina patuman angut sa pag shift padulong sa cleaner energy.
Suno kay Escalante santo ang pag gamit sang solar energy sa kinahanglanon sa mga talatapan sang LGU kag may nagakaigo pa nga savings gikan diri.
Nag pa kig-angut naman sila sa ila nga counter part sa duha ka probinsya sa rehiyon para sa gina lantaw nga NIR ACE.
Si Escalante ang nagtal-os kay anay Victorias City Mayor Javier Miguel Benitez nga karon 3rd District Representative na.
Ang Negros ACE ang ginsugdan ni sadto Governor Joseph Maranon sang 2002 sa tuyo nga mapabakod ang collaboration sa mga LGU kag mangin forum man sang policy exchange kag local concerns.
