Padayon nga gina hulat ang announcement ni Bacolod Mayor Albee Benitez kun sin-o ang mangin bag-o nga City Administrator, naga gwa man ang istorya nga maga gikan sa Kapitolyo Probinsyal ang mahimo ibutang sa position.
Sa interview sang media kay Mayor Albee, iya ginsiling nga indi siya maka appoint tubtob nga matapos ang election ban sa Nobyembre 29.
Pero ang bag-o nga maga pungko suno sa iya ang gin pirate gikan sa lain nga LGU.
Suno kay Governor Eugenio Jose Lacson, kun empleyado gid man sang kapitolyo probinsyal ang napilian ni Mayor Albee, naga pakita lamang ini nga ang emplyado sang kapitolyo ang may kapasidad kag ini ang naga enjoy sang trust and confidence sang alkalde.
Pero, sa karon wala pa man sang empleyado ukon department head nga nag lisensya gikan kay Governor Lacson.
“Assuming, that speaks well of the govenrment employees here, that anybody is capable of getting hired and having the trust and confidence of in this case Bacolod City Mayor. If that comes from our LGU I will be very happy for the government employee”, suno kay Lacson.