May cooling system kag sarang maglawig sa apat ka oras antes pa man liwat nga i-charge ang battery sang bag-o nga electric jeepney sang Jiangsu Fengchuen New Energy Power Technology Corporation.
Ginsaylo naman ang passenger door sa kilid sang e-jeep kag may separado man nga puertahan para sa driver.
Nagahamboy sa P2.4M ang presyo sang e-jeepney nga sarang makabyahe sang 140 kilometers per day. May kadasigon nga 60km per hour kag pwede i-byahe sa tig-ululan kag bisan may pagbaha.
Suno kay Robert Cerrada, ang Chief Operating Officer sang kumpanya dako ang makinot sang public utility vehicle operators kag sang mga drayber sa e-jeep wala labot nga makabulig pa sila sa pag amlig sa palibot.
Sa bulig sang Bacolod local government unit gina tun-an na kun diin itukod sang kumpanya ang napulo ka mga charging stations nga nagabalor sa tag kapin P2M.