Patay ang isa ka Bacolodnon matapos matumba ang iya nga motor sa National highway sang Purok Cosmos, Barangay Calumangan, Bago City pasado las diyes Hwebes sang gab-i.
Ang motorcycle rider nga ginkilala kay alias George ang residente sang JR Torres Village, Barangay Singcang Airport sa Bacolod City.
Suno kay Police Lieutenant Colonel Ariel Pico, hepe sang Bago City PNP, pabalik na sa Bacolod ang biktima sang nadulaan sang control sa iya motor kag natumba sa dalan.
Nalampos ang iya nga ulo sa dalan kag ginhingagaw pa dala sa ospital pero gindeklarar na nga dead on arrival.