Nangin trending sa social media ang Negrense human rights lawyer nga si Atty. Luke Espiritu matapos ang mainit nga pagbayluhanay sang tinaga nanday senatorial candidate Larry Gadon kag anay presidential spokesperson Atty. Harry Roque may kaangtanan naman sa martial law.
Ang pagtib-ong ni espiritu sa social justice para sa mga ordinaryo nga pumuluyo kun ngaa nakigbahin siya sa dialogo sang Center for Energy, Ecology and Development angut sa pag-gamit sang renewable energy.
Nagapati ang senatorial candidate nga dako ang mabulig sang komunidad ilabi na sa bahin sang pag-pangapin sang palibot paagi sa pag-gamit sang renewable energy.
Gani iya ginduso ang pagtukod sang micro grid system para sa mga nagagamit sang solar energy sa pagpati nga ini ang makahatag solusyon sa nagasaka nga bili sang supply sang kuryente kag pati na brownout.
Upod sa dialog ang pamuno sang senate committee on energy nga si re-electionist Senator Win Gatchalian nga nagsiling nga dapat naman buhinan sang pungsod ang pag-import sang coal nga amo ang ginatan-aw kabangdanan sang pagsaka sang pass-on charges sa mga kunsomidor.
Si Espiritu ang diri ginbun-ag sa Bacolod, ang nakiga sapul man sa iya mga supporters diri sa iya pag bisita sang weekend.