3-peat gold medalist nga si Mico Villaran na-break ang 15-year record sa 110m hurdles sa Palarong Pambansa 2025.
Indi lang ang ikatatlo nga gold medal sa 110 meter hurdles ang nakuha ni Mico Villaran sang Romanito P. Maravilla, Sr. National High School sa Bacolod nga nagtiglawas sa Western Visayas sa Palarong Pambansa 2025 sa Ilocos Norte.
Nalab-ot man ni Villaran ang handom nga ma-break ang 15-year record sang matapos ang event sa sulod sang 14 seconds.
Sang nagligad lang nga tuig sang makuha ni Villaran ang gold sa amo man nga event sa Cebu City.
Pero wala niya ma-break ang record bangud sang mga technicality.
Labi ang pagpasalamat sang 17 anyos nga mapamatud-an ang iya kadalag-an sa hurdles kag nagapasalamat siya sa bulig sang iya coaches kag suporta gikan sa pamilya.
Humalin sang 2023 si Villaran ang nagapangibabaw sa 200-meter dash sprint, 110-meter hurdles kag 400-meter hurdles sa Palaro.
Kabahin siya sa pila lang ka mga student-athlete sang eskwelahan nga tinuig na nga nagapanguna sa athletics event regional kag national competition.