Si Katrina Drilon Loretizo, sang Barangay Montevista sa Bacolod kag miyembro sang Philippine National Rhythmic Gymnastics Team, nagdala sang tatlo ka bronze medals sa mga kategorya nga Rhythmic Gymnastics Team, Apparatus Routine nga may 2 Balls and 3 Hoops, kag Apparatus Routine nga may 5 Ribbons.
Bilang isa ka student-athlete, indi lamang sa sports nag-excel si Loretizo kundi pati man sa academics. Nagtapos siya bilang Magna Cum Laude sa kurso nga Pharmacy kag rank 5 sa 2024 Pharmacy Board Examinations.
Ginpahayag sang lokal nga pamunuan sang Bacolod, ang ila pagpasalamat kag pagdayaw sa kadalag-an ni Loretizo nga naghatag sang dungog kag inspirasyon indi lamang sa Bacolod City kundi sa bilog nga pungsod. Ginpasiguro man sang LGU ang padayon nga suporta para sa mga atleta kag sa pagpasanyog sang sports development sa siudad.*